E neji Liäbi – s Lollo

Wu de Summer endlig ganz zaghaft kumme isch, hab i au mol wider efter ins Schwimmbad goh welle.

Ibers #Lorettobad wird vil verzellt un au gschribe, fascht jedes Johr in de Badische, un s git sogar e Förderverein, Poschtkarte kammer schiints au kaufe, sogar e Böech mit lütter Bilder, mein ich.

Aber s Bsundere an dem Bad isch s Damebad. Do derfe nur Fraue ni. So e Bad gits nit noch emol in Diitschland. Eigentlig kei schlechti Sach. Un vu de ganz bsundere Athmosphäre, so fridlig un entspannt wird immer wider gschwärmt.

Ich bin au schu emol dert gsi. Des isch aber schu lang her. D Kinder sind noch glai gsi. Ganz glai.

Also an e bsunders scheeni Atmosphäre kann ich mich bim beschte Wille nit erinnere. Im Gegeteil. Ich bin bal driber nüs kumme. Wummer akumme sin isch de Kerli schu fascht bis ans Gnick verschisse gsi un s Maidli het breält wiä am Spiß. Wurum, säll weiß ich nimmi so gnau. Ich glaub, s isch em si uffgweichti Bretschele rabkait un ich hab em si nimmi gäh welle, wil e hüffe Hoor dra bäppt sin.

Wu ich de Kerli süfer gmacht gha hab un em Maidli e frischi Bretschele kauft hab, hab ich mich meäße abkeähle, innerlig un äußerlig. An alles hab ich denkt, an d Eimerli, d Bootli, de Balle un d Wassermihli, d Ersatzkleider fir d Kinder, Schoppili, Debbig zum Druflige, Kapuzehandtiächli, wasserfeschti Bilderbeächli, nur nit an de eige Badanzug. Der hab ich vergesse! In minere Verzwiflung hab ich d Bademeischteri gfrogt, ob emend bi de Fundsache e Badanzug, wänn s si möeß au e Bikini in minere Greßi rumlit. Si het nochglöegt: nix fir so Kropfigel wiä mich, will s isch am Afang vu de Saison gsi. Si het deno s Erbarme mit mer greägt un mir de eige Badanzug üsglihe. Der hät allene Fraue zwische 1 Meter fuffzig und achzig un zwische 50 un achzig Kilo passt. E Schwimmerazug. Ich bin villicht froh gsi.Eimol s Becke hi un zruck, des het lange meäße.

Lorettobad-2

Des isch s neij Planschbecke im Damebad im #Lollo

 

Un deno ab mit de Burschd ins Planschbecke. Des isch dert noch e ganz eifachs gsi üs grauem Beton – nur Wasser, un des jeder Tag frisch igloh. Un wil mir schu am Morge dert gsi sin, isch s Wasser au no zimlig kalt gsi. D Kinder hän gningeret un hän bal gfrore wiä d Schnider. Deswäge hämmer der ganz Glumbatsch (d Eimerli, d Bootli, de Balle un d Wassermihli) wider zruck zum Platz traijt. Do isch de Kerli noch hikait un het sich s Kinn uffgschlage. Des weiß ich jetz ganz gnau, wil er de ganz Summer e Blätz gha het, wunner immer wider wegkratzt het.

Irgendwiä isch mer d Luscht vergange, ellai mit de Kinder ins Schwimmbad z goh. Si hän jo au e Vadder, aber der het halt nit ins Damebad derfe. Des isch de Grund, wurum s Damebad fir vili Johr üs minem Hirn verschwunde isch.

Aber der Summer bin i schu e baar Mol im Lollo gsi. S het schu ebbis. Manchmol isch s wirklig wiä e kleini, fridligi Insel in dere lütte Stadt. Aber meischtens nur bis am zwelfi, eins rum. Deno wird s voll un lüt un der möesch löege, dass der heim kunsch. Aber wämmer sich s iirichte kann un des kann ich jetz jo…

Un wänn der ebbis z lääse vergesse hesch, löegsch eifach eweng umenander . . .

 

Adjee mitenand
sait s Rénate

Dieser Beitrag wurde unter die liäb Familie, Friburg un Umgebung, geschtern un hit, Säll un des abgelegt und mit , , , verschlagwortet. Setze ein Lesezeichen auf den Permalink.

3 Antworten zu E neji Liäbi – s Lollo

  1. Walder schreibt:

    Also, im Lollo bin i no nid gsi, bin jo eu kai Frau … obwoll mrs oberum schu dänke kennt. Aber an ebbis anders erinner ich mich: In den 1970er-Johr simmer (mi klaine Bruöder un ich) als im Ämmedinger Schwimmbad gsi, hän versöcht mit de Maidli in Kontakt zkumme. Aber immer isch unser klaine Schweschder agrännt kumme imme lodzige gäle Bikini, ganz zittrig und aseganz blaugfrore, und het gfrogt ob mr fuffzig Pfännig fir Pommes hän – so billig sin die domols gsi. Die Pommes natirlig. Ihr sähne, au mir Männer hän so unseri Schwimmbaderläbniss gha, hit gehmer nimmi schwimme, mr hän Angschd, mr däd uns fir gschdrandidi Walfisch halde … so kanns kumme.

    Gefällt mir

    • renatesblogweb schreibt:

      Salli Walder,

      jetz hab ich endlig eweng Zit, zum e Antwort z schribe, wil s Wetter isch scheen gsi un do bin ich halt vil im Schwimmbad gsi. Nit nur im Lollo.
      Un ich kann dich beröhige, der wärsch nit de einzig gschtrandet Walfisch un s git au Walresser, un diä bewege sich teilwis ganz gschmeidig im Wasser – mer sotts nit meine.

      Jo, un mit de Familie im Schwimmbad, des isch halt so e Sach. Kleine Kinder, kleine Schweschtere oder au großi Briäder kenne einem schu emol eweng uf de Sengl go.

      Aber jetz mach s wiä d Conny Froboess gsunge het: „Pack die Badehose ein, nimm dein kleines Schwesterlein . . .“. un s Schweschderli kann mittlerwil bstimmt schu elai ins Schwimmbad goh, also gib der e Ruck.

      E scheene Summer noch

      Rénate

      Gefällt 1 Person

      • renatesblogweb schreibt:

        Daag Hanna,

        s freijt mich, dass mini Beiträg au wu andersch glääse wäre.

        Filze isch ebbis scheens, wämmer s kann un nit z dabbig un ungedulldig isch, so wiä ich.

        . . . un was mer so alles im Schwimmbad siiht, des sin nit nur Walresser un wißi Hai un gschtrandeti Wal.

        Ich möeß do e ander mol noch ebbis loswäre, was mer nit üsem Kopf goht . . .

        Adjée un e scheene Summer widerhii

        Rénate

        Gefällt mir

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s