D Burschd – de Kerli

Jo, der Kerli, der stüdiert. Dodevu hab i s schu emol gha, ganz am Aafang.

Er isch schu immer eweng so e Diftler gsi un het gäärn emol so Ziigs wiä ne kabütige Tooschter üsenander baut. Manchmol het r s sogar wider zämmebaut broocht. S ei oder ander Mol isch s deno au wider gange.

Deswäge het er gmeint, Maschinebau wär s Richtig fir en. Un mir hän em nit nii schwätze welle. Nooch zwei Semeschter het er gmerkt, dass des Studium noch schlimmer wiä d Schöel isch, nur dass r nur Rechne un so ähnlige Fächer gha het. So het r sich des nit vorgschtellt.

Sportlig isch er denebe jo au. Aber eifach nur Sportlehrer, wu dr diä ganz Zit füüli Scheäler umenander schaiche möesch … Säll het er au nit welle. Also het er sich fir Sportwisseschafte entschiide.

Dass des Wort „Wissenschafte“ aber bedidet, dass mer e Hüffe Theorie lehre möeß, säll isch em schiins nit klar gsi. Noch eme Johr isch em au des z bled gsi.

Un pletzlig het er de ultimativ Geischtesblitz gha. Er stüdiert Soziali Arbeit.

Druff kumme isch r wägm Parkours, wunner macht. Do kunnt er au in Gegende, wummer nit so gäärn wohne wott. Dert, wu d Kerli alli d Schildkappe verkehrt rum uffm Kopf hän un Ghettodiitsch schwätze. Diä sage nit ich oder icchh, do heißt s immer isch. So wiä bi de Mannheimer un de Heidelberger. S isch aber kei Dialekt. So schwätze diä Ghettokids in ganz Ditschland.

Was ich hab sage welle, isch: Ich glaub mi Sohn het gmeint, dass so einer wiä er do in soneme Ghetto richtig göet aakunnt. Wahrschiins het er denkt, dass er dääne eifach ebbis vorturnt und e baar gscheiti Sprich klopft und schu isch der Kittel gflickt. Un diä Ghettokids denke alli: „Geiler Typ, echt cool Mann“. Deno gehn si hi un mache schnürstraks de Hauptschöelabschluss nooch, d Fachhochschöelreif uff m zweite Bildungswäg gli hinterher. Un deno Soziali Arbeit, was sunscht!

Aber ob s eso rüskunnt, wääre mer sähne. Im negschte Semeschter het er s erscht Praktikum anere Brennpunktschöel. Wänner do nur nit e baar uff d Gosche gräegt.

Un wänn s wider nit isch, git s jo noch e Hüffe anderi Studiefächer. Aber mir zahle fimf Johr firs Stüdiere, deno isch Fiirobe. Egal wiäviel verschidini Fächer. Bim letschte möeß er halt eweng Gas gäh.

Aber s git jo au Lehrberöefe! Schriiner, Gärtner, Elektriker. Inschtallateur wär au nit s Dimmscht. De Reinhard Mey het sogar e Liäd devu gsunge: Ich bin Klempner von Beruf, ein dreifach Hoch dem der dies gold’ne Handwerk schuf! Do isch ebbis Wohrs dra.

Jetz löege mer emol.

Adjee mitenand
sait s Rénate

 

 

Dieser Beitrag wurde unter die liäb Familie, Säll un des veröffentlicht. Setze ein Lesezeichen auf den Permalink.

2 Antworten zu D Burschd – de Kerli

  1. Heidi schreibt:

    Au wenn i nit jedes Mol en Kommentar schriib. I freu mi immer über en wittere Bitrag uf „Em Renate sin Blog“.I hoff, mir treffe uns emol.

    Gefällt mir

    • renatesblogweb schreibt:

      Liebi Heidi,

      villicht treffe mer uns jo emol. Ich glaub aber, dass des ender in Friburg si wird, wil ins Wiesetal verschleets mi ehrlig gsait nit vilmol.
      Nur manchmol im Spootjohr gehn mer go Pilz söeche um de Nonnemattweier rum, meischtens sin aber anderi schu vor uns do gsi. Also wänn der emol eber mit eme leere Kerbli un eme fruschtrierte Gsichtsüsdruck dert iiber de Wäg lauft, kennt ich des si.

      Adjée un e scheene Altwibersummer

      Rénate

      Gefällt mir

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s