Ökologisch korrekt unterwägs

Als richtigi Friburger isch mer bi jedem Wetter mit em Fahrrad unterwägs. Aber bi Iis un Schnee derf mer sich au emol e Regiokarte hole. Des hän mir au gmacht un sin am Sunntig wiä vili, vili anderi mit em Zug in de Schwarzwald gfahre.

E gmischts Völkli isch im Zug ghockt. Vor uns, also vor minem Mann un hinter mir, je nochdem wierum, dass mers siht, isch e elteri Frau ghockt, wu Bekannti troffe het, däne si vil z verzelle gha het. Ich bin mer zimlig sicher, dass es e pensionierti Lehreri gsi isch, wil si lüt un ditlig gschwätzt het. Des isch si vu der Schöel wahrschins eso gwehnt, „akzentuiert und deutlich zu reden, um auch die Schüler in der letzten Reihe zu erreichen“.

_dsc6706-01

Mir sin halt quasi in de zweite Reihe ghockt un hän so vil iber ihr Läbe erfahre. Dasses, dert wu si wohnt, e göete Metzger git un de bescht Beck vu de Stadt au e Filiale ganz in de Nechi het. Un dass de arm Nochber, s isch so e liäbe Mann gsi, friäh het miäße sterbe, des het si au verzellt. An was, dass er gstorbe isch, säll weiß ich jetz aber nimmi.

Do isch schins d Konversation grad bineme ander Päärli interessant wore, wu vor mir, also hinter minem Mann ghockt isch, wämmer vor als Richtung zum Hölletal aasiht, vu dem üs gsähne, wu in Fahrtrichtung hockt. Eigentlig hab ich dert au inhaltlich nit so ganz richtig ufbasst, vilmeh ufbasse kenne, wil diä beidi so gnäslet hän un ich mer denkt hab, isch des nit unagnehm, immer durch d Nase z schwätze? Z lüt sin si deswäge au gsi, wil mer sait jo, dass wenn s d Lit mit de Atemwäg hän, si deno au schlechter heere un deswäge lüter schwätze. Also des Nasalbäärli hets gschafft, sich vum Friburger Bahnhof bis kurz vor Hinterzarte ibers aktuelle Aldiproschpekt üs de Sunntigszittung z unterhalte. Ich hab am Morge feschtstelle miäße, dass es bi de Reiseangebote e ganzi Sitte nur mit Musicalreise gäh het, un ich hab mer denkt, üs was mer doch alles e Musical mache kann? Mit Musicals hab ich s jo nit so – löege im Beitrag, Nai, bittscheen keini Musicals , wännr wänn. Iber s Reiseangebot hän si aber nit gschwätzt. Esse un Trinke un Unterwesch sin d vorrangig Thema gsi.

Ich bin froh gsi, dass ab Hinterzarte keiner meh ebbis verzellt het un e relativi Röeh iigkehrt isch. Deno hesch wider de dumpfe Rhythmus üseme Ohrhörer besser gheert. Ich hab de Iidruck gha, dass es immer d glich Müsik gsi isch vu Friburg bis an de Titisee. S möeß wohl extra Müsik gäh fir Lit, wu nit so aaspruchsvoll sin un immer s glich heere wänn, Hauptsach, s isch lüt un de Beat stimmt.

_dsc6710-01_dsc6709-01

D Röeh im Schwarzwald isch herrlig gsi. Ich hab diä unufgret Schwarz-Wiß-Landschaft gnosse, umrahmt vu de Fellzottle vu de Kapütz.

schwarz-weis-wald-1schwarz-weis-wald-2schwarz-weis-wald-3

 

De Ruckwäg mit em Zug isch au nit besser gsi. . ., aber was willsch mache.

Do, noch e kleini Koschtprob üs nere Handyunterhaltung vun eme junge Mann: Erst waren wir Stadt, dann Shisha-Bar, dann China-Restaurant, dann Titisee. War voll witzig, See total mit Eis und so, Fabian hat mir Schnee in Jacke  . . . .

Do isch mer spontan e Spruch iigfalle, wu mi Vadder  immer gsait het: Wänn Bleedheit weh döe dät, miäßte manchi Lit de ganze Daag briäle.

Aber scheen ischs ännewäg gsi, im Schwarzwald un ich hab mich e weng innerlig vorbereite kenne uf s negscht Mol Probeschaffe.

_DSC6752-01.jpeg

Adjee mitenand
saits Rénate

S isch au emol scheen gsi . . .

Dieser Beitrag wurde unter d Litt um eim rum, Friburg un Umgebung, Säll un des, unterwägs veröffentlicht. Setze ein Lesezeichen auf den Permalink.

4 Antworten zu Ökologisch korrekt unterwägs

  1. s'Irmis schreibt:

    Salli Renat, jez hab i grad gläse vu dine Erläbnisse im Zug. Will der halt d’Regiokarde nimmsch un will der wege dem Iis un Schee s‘ Fahrrad schto losch. Sei doch froh, so erfahrsch ebbis üs em Läbe vu andere Lit. Villicht isch jo äu ämol ä Anregung fir dich debi, deno kannsch no ebbis lähre.
    Wesch, do wu ich wohn, do fahre mar nit mit em Zug, do läufe mar ins Schdädli, oder fahre halt doch mit em Rad – un mir hänn noch viel meh Iis un Schnee weä dü! Aber fir dess hab ich Schbeiks uf em Fahhrad – no keit mar weniger hi bim Glattiis! Blederwis greägt mar halt gar nix mit unterwägs vu andere Lit! Also frei dich iber deä Abwächslung in dinem Alldag. Ah ja – un viel Erfolg bim Probeschaffe! Ich bin schu gschbannt uff di negscht Schdori!
    Kumm göät durch de Winder winscht dir s’Irmis

    Gefällt mir

    • renatesblogweb schreibt:

      Hallo Irmis,
      jo, s isch halt so e Sach mit de Öffentlige. Hit simmer noch emol loszoge, obwohls mer nit so gheerig gsi isch, aber obe het halt d Sunne gschiine un unte hämmer e zimlige Suppe gha.
      Jetz langts aber so langsam mit dem Bahnfahre, hoffentlig kenne mer bal wieder mit em Fahrrad fahre. Spikes mach ich mer aber keini druf. Au wänn s z Friburg vili Hardcore-Radler git, säl hab ich no niä gsähne oder gheert, des heert mer doch au, oder nit?

      De Foto hab ich vergesse (eigentlig mi Mann, der het gsait, dass er en iigsteckt het – hab ich gmeint). Deswäge hab ich nur Handyphotos mache kenne. Diä hab ich grad noch iigstellt.

      Dir au noch e scheene Reschtwinter

      Rénate

      Gefällt mir

  2. s'Irmis schreibt:

    N’Owe Renat,
    jo, deä Schbeiks heert mar schu. Deä mache ä richtig kuule Saund, fascht weä ä Modorrad. Unn wenn sich d’Lit nenoch umdrille unn so ä kleini aldi Frau uff em Rad sähne, no glotze si scheen bleed! No möäs ich immer in mi nie grinze … Scheene Owe, s’Irmis

    Gefällt mir

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s