Iiladung zum Spieleobend

Horrorszenario:  mir sin zum Spieleobend iiglade – was solle mer mache? S isch jo vor e baar Johr schu emol zimlig in Modi kumme, dass au diä Erwachsene sich wider zämme hocke un Spiele spiele, alli megliche  Spiele. Ich hab denkt, dass des jetz rum isch un bin eigentlig froh gsi, dass der Kelch immer an uns vorbei gange isch.

Jetz het  s uns aber doch noch verwitscht. Wu ich s minem Mann gsait hab, het der wiä üs de Pischtol gschosse gsait, dass er schaffe möeß, debi het er noch gar nit gwißt ghet, wenn.  Mir sin uns jo nit vilmol  einig, aber wenn s um Spiele goht, simmer uns einig. Des kenne mer beidi liide wiäs Ranzeweh.

S het nix gholfe, mir hän hi miäße.

S het glickligerwis verschiedini  Statione gäh, au mit bekannte Gschicklichkeitspiel wiä Mikado, göet fir mich, ich hab e röehigi Hand, Pech fir mi Mann, de Grobmotoriker.Hau den Lukas hets halt leider nit gäh. Aber des mit de Statione isch au sunscht göet gsi, do het mer sich dezwische eweng verdrucke kenne.

Ich hab jo Angscht gha, dass mer alli amme Tisch hocke un e unglaublich komplizierts Spiel mache miän, wu ich im Läbe nit kapier, wil sich mi Hirn eifach degege wehrt, z verstoh, wurum verschidini Phantasievölker um e Phantasieland stritte. Ich bin halt eifach phantasielos, ganz un gar. Do stehn so Gnome un Wichtel uf eme Brett, un de Gnom kann nit wider wil er nit gnöeg Zoll, nämlig fimf verschide farbigi Glitzersteinli,  zahle kann. Deswäge möeß er jetz e Rundi Phantasiviecher hüete, oder so ähnlig . . .  Des hab ich mer jetz grad üsdenkt, villicht bin ich doch nit eso phantasielos.

Frejer, als Kind, hab ich schu gäärn Mensch ärger dich nicht, Mühle, Mau-Mau oder #17&4 gspilt. Un wu mini Kinder glai gsi sin, hab ich au mit ene gspielt, manchmol. Aber s isch halt kei Vergniäge gsi, wil de Kerli hets nit eso rächt interessiert un isch als eifach ufgstande un devu gloffe. Un s Maidli isch kei so göeti Verliereri gsi. Wenn s göet gange isch, isch si beleidigt gsi un het e Schnippili zooge, manchmol het ere e Niederlage aber eso z schaffe gmacht, dass sie s ganz Spiel vum Tisch gworfe het. Do hab ich d Spiele ganz obe ins Regal grüümt un au nimmi vermisst.

Also der Obend isch nit eso schlimm gsi, wiä mer denkt hän. Ich hab e paar Statione mitgmacht, mi Mann au, villicht au nit. Nooch anderthalb Stund hab ich en in de Kuchi, sinem Revier, entdeckt. Er isch nit elai gsi. S het no meh Spielemuffel gäh.

Aber so scheen, dass mer bis zum Schluß blibe sin, isch s au wider nit gsi.

Villicht kenne mer emol mit de Enkel spiele, wenn s deno sowit isch.

Adjee #mitenand
sait s Rénate

Dieser Beitrag wurde unter Säll un des veröffentlicht. Setze ein Lesezeichen auf den Permalink.

4 Antworten zu Iiladung zum Spieleobend

  1. s'Irmis schreibt:

    Dag Rénate,
    mit däne Schpiele hesch mar jo üs de Seele gschbroche! Ich mach manchmol jo ganz gärn Schpiele, aber s’kummt druff a mit wäm. D’Enkel mache’s manchmol weä s’dini Kinder gmacht hän, no isch’s lütt, wenn si breäle unn schtampfe unn sage mar isch gemein, wemm mar si rüsgworfe het. Aber des goht jo noch. Mit Erwachsene isch’s schu schwieriger. Bsunders wenn mi Mann, wu immer ganz arg logisch unn schrategisch denkt, mitschpielt unn d’Mitschpieler uff ihri unlogischi Schpielziig hiwiist. Do isch sorag ämol mi Schwägeri hiilend vum Malefitz däfugrennt unn ä ander Mol ä Freundin äu. Sie hänn gsait, mit dämm schpiele si nimmi!
    Noch aschtrengender isch’s gsi, wu mar emol zum ä Krimischpiel iglade wore sinn. Mir hänn halt denkt, dess isch ä Brettschpiel, bis schriftlichi Unterlage kumme sinn, wu mar sich het solle uff ä Rolle vorbereite. Mit Verkleidung üs de 1920er Johr. Bim ä 5-Gänge-Menü het mar meäse durch Froge an d’Mitschpiler ä Mörder rüsfinde. Mar het sich nit därfe widerschpreche. Ich hab villicht gschwitzt under minere Männerverkleidung vor lütter Angscht, dass ich ebbis falsch’s sag. Unn des uffgmolt Bärtli isch vum Schweiß ganz verschmeärt gsi. So ebbis isch nit fir mich. No dät mich schu meh so ä Phantasieschpiel mit däne Wichtl unn Klitzerschteinli, wu dü dir üsdenkt hesch, intressiere. Wotsch des nit überarbeite unn eme Schpieleverlag abeäte? No meästsch viellicht nimmi schaffe goh!
    Mach’s göät, s’Irmis

    Gefällt mir

    • renatesblogweb schreibt:

      Salli Irmis,

      do hab ich jo noch Glick gha mit minem Mann, zöemindescht was es spiele aagoht. Un wiäs mit de Enkili mol goht, wär mer sähne. Wänn si au briäle un stampfe, wir ich hal au mit ene bache un koche, do het mer wenigschtens ebbis devu.
      Also, dass ich des mit de Spiele beröflig mach, kann ich mer nit vorstelle. Mir fallt do nur de Ravensburger Verlag ii un wiä mer dert schwätz, weisch jo.
      Dankscheen noch fir d Gschicht mit em Krimispiel, deno weiß ich Bscheid, dass ich minere Phantasie in Sache Üsred freie Lauf loß, wänn e Iiladung ins Hüs kunnt.
      E scheeni Wuch noch. Der kannsch mit de Enkili jetz Oschtereier aamoole, s git mittlerwil au Plaschtikeier, dänne mers nit aasiiht un wu nit kabütt gehn, wänn si rabkaije.
      Rénate

      Gefällt mir

      • s'Irmis schreibt:

        Noch ämol Dag Rénate,
        des isch jo göät gmeint mit dene Plaschdigeier fir d’Enkili zum Amole, aber deä Eltscht het schu gseit, dass si 20 Eier üsblose hän zum Amole. Do dät ich joh kollabeäre! Debi esse si gar keini Eier!
        Aber eini vu de andre Enkili het gsait, dass de Oschterhaas alli Eier amolt, der kann des am Beschte, der molt sogar Bleämli unn Häsli unn Schmätterling druf! Jetz weiß ich’s. No brüch ich mich nimmi so verdehrle, wenn der Oschterhaas sowiso alles besser kann!
        Ä weng gfruschtet unn drotzdem schu im Oschterschtress,
        s’Irmis

        Gefällt mir

      • renatesblogweb schreibt:

        Au Oschtere goht rum, fahr doch eifach furt mit dinem Mann oder ohni?

        Rénate

        Gefällt mir

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s